2 人的晚餐...

呆先生成日都要求本人要煮飯過佢吃...
呢個絕對同本人煮飯好唔好食係冇關係的...
純綷係因為佢想折磨本人!!!

初初拍拖時耐唔時都會煮下...
不過來來去去都係煎牛扒，意粉，雞翼，炒薯條(依家呢個 PRODUCT 消失了!)...
有時都會一齊整自家漢堡包同焗 MUFFIN...

之後唔知點解...又一路都冇煮...
可能我太多家務做...
又可能係因為我懶...
其實最大可能係因為每次煮ing 都有人監督住嘈住哂...
煮完又彈三彈四咁囉~~~
比你都冇心機再煮啦...


自從我地自己搬出黎自己住...
間唔時都會煮下飯...
婚後都係 KEEP 住...可能一個月都有...三幾次卦~~~
不過...自己住...成家立室後...
就覺得原來媽媽真係好偉大!!!
因為我覺得要諗食咩已經好難...
煮飯仲要煮得好食就難上加難...

本人媽媽煮的飯 + 餸都好好味...所以我先可以保持廿九幾年都係咁肥獅大隻)
而本人99 (即呆媽媽) 煮的飯 + 餸都好味...(不過我媽好 D!!! 嘿嘿~)

好...寫0左咁耐「序」...
係時間要話比大家知...
我們的 2 人晚餐食乜...
其實呢餐應該係第 N 餐於家中開飯...
不過基於本人打 BLOG 意慾甚低加上之前 D 餸影出黎個樣唔多討好...

ANYWAY...去片...

2011 年 1 月 16 日晚餐...

大合照~~~

煎豬扒 (呆先生醃 + 剁的)...本人負責煎 ONLY!

牛柳粒...好好味!!! 外脆...入面又生生地!!! 自己比自己十分!!!

第一次試的新菜式:薑蔥廣島蠔...好味...
呆先生話薑味太重 (佢好討厭薑味)...
但係我又覺得好好味喎~

蒸水蛋...呢個已經整過 N 次...好熟手...

蒜蓉豆笛苗...(18 蚊...半斤!!!!!)

2 個人 5 個餸...個人覺得有點過份!!!~