31 December 2010

香港寬頻

合約下年 4 月尾先到期,由 11 月開始就不停打電話來叫我續約,價錢又唔吸引,仲要好似返大陸買野講價咁 ...

1st time: 唔記得幾錢喇,但係係貴過我用開個價錢 ......
2nd time : $198 叫我續約 ..... 睬你都傻,同而家一樣價錢 ....痴痴地線
3rd time : $189 叫我續約 ..... 平 9 蚊 ? 當我係乜先 ??
4th time : $175 ....一次比一次平,再等下,等你再平先諗
5th time : $175 .... 又係 $175 , 無誠意 ...
6th time : $175 .... 唔通 $175 就係底線 ??

剛剛在 hkbn 個網頁見到,新登記都只係 $169,夠膽死同我講 $175 ~ 王生你係咪唔想我續約 ??

By Roger

30 December 2010

SONY 客戶服務

屋企部電視用了半年就有問題 ~ 唉 ...

其實佢唔係壞,只係個 LED 背光出淺色畫面時有 "黑影" ... 月頭 call 過一次維修,維修人員上門檢查後話係個 Edge LED 先天有哩種問題,其他機都係咁。既然佢咁講,都無計啦,唯有接受。但愈睇就愈礙眼,琴日 send 封 email 去 SONY "反映" 一下我的不滿。琴日 6 點多就有個維修部主管打電話俾我跟進 ... 哈哈,服務都算係咁。講完一輪佢話幫我換過個 panel,但要 check 有無貨同埋要返廠整,哩段時間會借機俾我睇住先。今日下午又收到電話話 panel 有貨,最快可以聽日安排收機更換 (都幾有效率 ~),由於我要佢 7 點後先好上門收機,所以要假期後 (元旦) 先可以安排 (都可以接受 ~)

電視整唔整到就未知,但 SONY 個 cs 算係唔錯 ...起碼無拖我 ... 即管睇下佢整成點 ~!

p.s.: 我個人覺得就好嚴重喇,但呆太太就話可接受 ....(請放大睇下個頂)

By Roger


24 December 2010

人工包埋要受氣???

呆先生一日到黑都係同我講「呆太太好耐冇打 BLOG 喇喎~」
大哥...有時間先得架嘛...

點解今日打...
係因為我好唔開心...
唔開心的事唔應該記低...
但係我想抒發出來嘛...

其實...係好小事...
但係我好唔開心...好唔甘心...

點解做野做得快就 = 得閒?
點解準時放工就 = 冇野做?
點解工作量越來越多但係人工唔成正比?
係咪要我拖野做?
係咪要我日日 OT 先叫有野做? 先叫好多野做?

唉...因為呢件小事...
仲見到好多...人生百態...
哈哈...我都唔知...我只係覺得...
原來成日同你懶 Friend 的...可以變得好醜惡...
有 D 平時同你冇兩咀的...又可以會伸出援手!!!

其實工作都係為份人工...
人地成日話「人工係包埋受氣架...」
但係我想話...我呢個人工絕對唔包受氣囉~
我諗...我會做 D 野...

16 December 2010

(準備篇) 2 - 酒店確認

已經確認好酒店喇,大阪會入住 Hotel Vista Grande Osaka,HK$860 一晚。而白濱就會入住天山閣同梅樽温泉。Hotel Vista 就唔講喇,可以參考返 (準備篇) - 大阪酒店,今次講一下白濱的兩間酒店 ...

06 December 2010

結婚一個月...

2010 年 12 月 5 日...結婚一個月...
託賴...呢一個月都冇嗌過交...
不過好景不常...
就琴日咋嘛...on the way 去食我地個「結婚一個月紀念顛拿」
咪嗌交囉...哈哈哈!!!
其實我地咁多年黎所謂的嗌交...都係嗌埋 D 無謂野~
你話真係嗌 D 好大的交...印象中又好似真係冇...


Sam Sam 的兩歲生日...~

話咁快又一年...
12 月 3 日係 Sam Sam 2 歲生日...
今年冇搞生日會...
只係同佢預祝同補祝生日...
哈哈...因為正日佢阿媽 (即係我家姐) 有大 Project 要做...

01 December 2010

超讚製作單位 (上)

0拿...跟住以下呢個 POST 真係...
未結婚0個 D 真係要睇...VERY USEFUL (其實係我個人意見 ONLY!)

又見暈~

唉...年紀越來越大...
身體又越來越差...
訓又訓得少...都唔緊要...
最慘就係...一訓得唔好的話...
第二朝一定有事發生...!!! 萬試萬寧!!! ...

29 November 2010

(準備篇) 大阪酒店

忙完結婚呢個大 project...
又係時候要諗諗去邊度 honeymoon...

我地由本來諗住四月去沙巴...
變成依家一月去大阪...
仲要去成十日咁多...

基本上行桯安排全部都係我負責...
因為呆太太話之前結婚時的細節係佢負責得比較多
所以要我負責 honeymoon 喎...

首先當然要搵住宿先啦...
以下就係大阪酒店資料 ...

26 November 2010

點解要結婚? 點解要喊?


前幾日好友 EuEu 無啦啦問我...
「其實你同陳生都一齊住0架啦...又唔係想生 BB,點解會結婚0既?」
又...結婚當晚...我喊到豬頭咁...連誓詞都講到走哂音...
陳生朋友0係臉書問:「因乜事喊得咁淒涼?」
 

24 November 2010

我的新玩具 - Clarisonic Pro

同事 FATSTER 早兩個月0係 JOYCE BEAUTY 買0左呢個玩具...
D SALES 話好好用好正好 HIT...(但係好貴囉我想話!)
佢自己用完後都覺得塊面係乾淨0左...皮膚好0左~
諗0左好耐...琴日 (11 月 22 日) 終於死0左去 TST A 字頭樓上鋪買...
我買0個個係 Professional 版 (4 速) JOYCE BEAUTY 係冇的~
 

19 November 2010

婚後的第一個 post

婚後第 14 天 ....

經過一輪努力,我們的婚禮總算順利完成,在此要多謝各位幫手的朋友仔。多謝各位見證了我們籌劃了大半年時間的成果。

總括而言,我覺得每件事都做得好好 .... 尤其係我做0個0的 .... 呵呵 ~
無論場地佈置、攝影、酒店服務以至司儀表現我地都非常滿意。總算沒有白費我地0既時間同埋心機。

婚後14日,相處尚算和睦 ~ 哈哈 ~
最大0既轉變可能就係稱呼 .... 仲未習慣 .... "老公"、"老婆"、"老爺"、"奶奶"、"外父"、"外母" 哩0的稱呼,感覺好似怪怪地咁。可能要多0的時間適應。

計劃完結婚又係時候計劃下渡蜜月喇,我地0既目的地由 "沙巴" 改為 "大阪"。
初步行程已經完成,book 埋酒店之後就可以落實其他詳細細節喇。

By Roger

11 November 2010

WE ARE MARRIED!!! = )

WOW!!!! YEAH!!!終於都「結合」0左喇...哈哈哈... HEEEE...人地打 WEDDING BLOG 好有心機,日日打咁滯... 我地呢...哈哈哈...有眼睇!!! 結完婚...有少少失落... 因為好似冇0左 D 寄託咁!~ 不過開心0既係...我地0既 BIG TASK 終於完成...! 而且非常之咁 PERFECT! (我覺得!) 結婚到依家...就0黎一個星期... 但係心情仲係好 HYPER... 同老公好似番番去十年前拍拖咁0既感覺... 好神奇...哈哈...!~ 吾...想0係呢度講少少感想... 1) TO 老公吾...除0左多謝...同埋我愛你...我唔知同你講咩好... 多謝你娶我...(你發達喇!)... 多謝你咁多年0黎都咁錫我咁就我... 多謝你0係晚宴上面0既 SURPRISE...(雖然記唔到歌詞)... I LOVE YOU!!! = ) 2) TO EUNICE 伴娘 你好衰0架... 點解對人咁好0架可以... 仲要搵咁多人整個 SURPRISE EMAIL 比我地... 搞到我自己傻傻地咁0係度喊... 堅多謝你!!! 你除0左係我0既伴娘仲係我0既心理輔導員!!! 我地成個婚禮...除0左我同陳生...你係出得最多力0個個!!!!!!!!!!!! 3.) TO IVAN 伴郎 WELL...之前0係 ERIC 婚禮已經見識過你做兄弟0既 POWER! 我地真係冇揀錯人!!! 你係得0既!!! 你知唔知...MC SAMSON 狂讚你!!! EVEN 婚禮過後佢 SEND EMAIL 比我地...都要再次激讚!!! 哈哈...真係好感激你0既幫忙!!! 4) TO 兄弟姐妹 (KAREN, WUMAN, CAROL, APPLE, PUN, RAYMOND, ERIC, SIMON) 嘩...冇0左你地真係唔知點算... 多謝姐妹們0既心思頭腦玩兄弟... 多謝兄弟們有比反應同咁落力玩 GAME...(雖然我睇唔到!) 仲有當然係幫我地做打雜同阿四!!! 冇你地...我地0既婚禮唔會咁完美!!!~ 5) TO 我地0既屋企人 咁梗係要多謝我地0既 BABA MAMA 將我地養到咁大啦... 養大一個仔 / 女到睇到佢地結婚成家立室...唔係易事... 老爺奶奶都仲好 D... 因為陳生都好乖你好孝順... 我0既 BABA MAMA 就辛苦 D 喇要... 因為我係一條確確切切0既「頂心椮」! = P 仲要好多謝我家姐同姐夫... 其實冇0左佢兩個0既 SUPPORT... 我諗我地唔會可以搞到呢個咁「堅」(貴) 咁正0既婚禮!!! 6) TO 所有賓客 多謝你地0既蒞臨... 多謝你地分享我同陳生0既喜悅... 多謝你地0既祝福... 感激感激!!!!!!!!!!! 冇0左你地任何一位... 我同陳生0既婚禮真係唔會咁完美~ 我都依家仲好回味當日0既每一個細節... 諗起仲會自己無啦啦的笑... 哈哈...因為真係...好正!!!~ 祈待緊收相同 VIDEO!!!~

11 October 2010

Pre-wedding 相簿

之前去 cebu 影 pre-wedding (已經係 3 月0既事) ..... 到到 9 月尾終於都有相簿同油畫喇。


09 October 2010

最新 UPDATE...

呢排其實都做0左好多0野...
只係又係因為一個「懶」字冇 UPDATE...
又訓唔著...
唯有 UPDATE 下啦~

姐妹裙...
九月尾0個陣終於都捨得約 D 姐妹去造姐妹裙...
所有姐妹都好 efficient 咁揀好哂款度哂身...
十月中應該會有得拎...
我都有 D 祈待~

過大禮...
九月十八日已經過0左大禮...
不過當中發生0左一 D 不愉快0既事...(唔講喇...都過0左去!)
是但啦...

Decoration...
前兩日剛剛同 JNC confirm 哂我地個 backdrop...
十月二十二日就要交人名,菜單,有幾多圍比佢地...
做埋最後的...手尾...
希望0個日 final 出0黎0既效果會好靚啦!!!~

酒席...
well...由最初諗住應該係 18-20 圍...
搞搞0下家陣可能得 16 圍...
哈哈...是但啦...
九月尾已經同 sales 開0左會...
基本上都叫做 confirm 哂 D 0野...(center piece 呀,枱布色呀,杯杯碟碟 d 色呀...etc)
當然仲有勁多 TBA...
但係都算有進展~
又係...要 Big Day 前一個星期比到 final 圍數同埋菜單...
你睇...菜單都未揀...問你死未!~

WG & EG...
上一篇講0左啦...
今晚都影埋相...
影0左相就冇得再改...
咁即係...confirmed 囉...
係月尾要再去 fitting 囉...
我真係希望呢幾個星期我可以...........瘦番 D)..唔該拜託 (我同自己講!)

帖...
基本上我0個 PART 已經搞好哂...係爭在未派出街...
陳生就...未郁過囉...我唔知佢等咩...可能等運到...!~
今日我已經開始派0左比大部份同事...
個個0既 comment 都好好...我都好安慰...
遲 D 等陳生 post 我地張帖...最多工夫,最靚0個 part 比大家睇~ (Post 0左喇)


鞋...
裙褂鞋同高踭鞋都搞掂哂...
對高踭鞋成四吋半...(不過著完都矮阿陳生半個頭...真係想講粗口!)
我真係好怕我0個日...會 PK...真係 PK 的 PK...!~

化粧 + 攝影...
比 Hoolala 搞哂...
下個星期六去開會傾造型同埋當日 rundown...
希望一切順利!!!~

小禮物...
陳生個 friend...話仲搞緊...
有 d 緊張...
唔好太遲比我啦...搞掂一樣...個心又可以定 D 嘛~

陳生禮服...
十月一日去0左 final 度身...
好嬲...
因為陳生瘦0左...頂~
個胸細0左一吋...腰瘦0左吋半...
個籮柚仲過份...瘦0左兩吋...
有冇搞錯?????????!!!

MC...
吾...呢個...有點兒擔心...
唔知點解~

花球 / 襟花 / 手花...
我想話...miracle flower...
係唯一...唯一一間公司...
係自動自覺打電話比我同我約時間做 final meeting...
非常之咁欣賞佢0既態度...
其實唔係話唔好...不過係要追囉...即係唔會自動自覺0個 D...
所以我好 appreciate!!!

RUNDOWN / CHECKLIST...
well...
rundown...可以叫做基本上完成0左...(又係我做的...!!!)
係爭 D detail 0野未 confirm...
至於 checklist 呢家0野...
係未做過的...
頂...我真係唔識做...有咩要 check................????!!!

SITTING PLAN...
唉...呢個就真係...
超頭痕...
冇計...因為我人緣太好朋友同事太多...
呢個 task 我真係好擔心...好想快 D 做好...
但同時我都好想 skip 0左呢個 task!!!!!!!!!

我諗...我 update 完喇...
唉...我好擔心...
我知...我要 relax~

懶...

我真係好懶... 懶減肥... 懶做運動... 懶打 blog... 我唯一有一樣0野冇懶0既就係狂做 facial...晚晚都0係屋企敷 mask~ 仲有唔夠一個月就係我地0既 Big Day... 不過我已經連續三晚訓唔著... 一訓落床就諗0野...個腦不停轉... 咁落去真係唔係辦法~ 唉...不過最唔開心都莫過於... 今日去 final fit 我 D Wedding Gown 同埋 Evening Gown... 其實都唔係 fit...係去作最後0既 confirmation,會揀邊套衫... fitting 係真係到月尾先去度身改衫~ 好明顯...寫得出唔開心... 就梗係因為一個字...「肥」囉~ 跑步...幾個月跑0左三次咁大把... 節食...我又冇乜節到... 我知...都係自己一手造成的~ 算...我諗我要將我今晚影的相放0係我電話 / 銀包度... 我要用呢 D 相0黎鞭鞭我自己!!! 加油呀祖祖!!! 你要堅持呀!!! 頂住呀!!!!!! 一定要瘦一定要靚呀!!!!!!!!!!!!!!!!!!

15 September 2010

裙褂鞋

裙褂鞋...係誤打誤撞底下0係 G.O.D. 買的...
仲自己 DIY 0左少少 (我剪0左佢條橡筋! 哈哈~)




好抵...原價 480...特價...唔講...哈哈...平過半價囉...~
又可以著得番...
金色部份可以自行決定要多 D 定係少 D...
都 OK 呀...!~

同 Richard 見面

琴晚第一次同我地0既證婚律師 Richard 見面 (因為要簽一份乜乜結婚申請書俾政府),個人覺得哩個 Richard 都 OK 丫,傻0下傻0下咁,個人都無乜野呀,問問題佢又肯答。So far so good 啦。

搞0左幾個字,簽好晒野, 走人。下一個項目,星期六過大禮 ...

順便 update 一下個 list 先 :


Wedding Banquet Hyatt Regency TST
Civil Celebrants of Marriages /
Ring Pillow / Feather Pen
Richard Lau
Pre-wedding Photography Ti
Wedding Date Photography & Videography Hoolala
Bridal Styling Hoolala
Decoration JNC
Wedding Ring Cartier
Gift :: tbc ::
Liquor :: tbc ::
Red Wine Sun's Talent Co
Wedding Cake Hyatt Regency TST


場地項目
座位板 / Table No. / Menu / JNC
Centerpieces Hyatt Regency TST
場地音樂 :: tbc ::
Reception – 簽名板 :: tbc ::
Reception – 簽名筆 :: tbc ::
Reception – 人情箱 :: tbc ::
Reception – 瓜子糖果 / 其他 :: tbc ::


過大禮項目
過大禮日期 18.9 @ 1:15 - 2:55pm
過大禮用品 永隆
西餅卡 美心
唐餅卡 :: tbc ::
龍鳳被 Casablanca
囍字貼 :: tbc ::
男女家對聯 永隆
男女家上頭用品 永隆
男家上頭睡衣 :: tbc ::
女家上頭睡衣 :: tbc ::
斟荼 – 茶具, 碗筷 :: tbc ::
斟荼 – 囍字紙杯 :: tbc ::
斟荼 – 紅棗蓮子 :: tbc ::
斟荼 – 跪墊 :: tbc ::
出門 – 紅傘 :: tbc ::
出門 – 米米豆豆 :: tbc ::
回門乳豬 :: tbc ::


囍帖 / 回禮利是 / 相咭 / 封口貼紙 囍帖廊


服飾項目
新娘 – 婚紗 / 晚裝 Queens House
新娘 – 裙褂 永隆
新娘 – 婚紗鞋 / 晚裝鞋 DYOS
新娘 – 裙褂鞋 G.O.D.
新郎 – 禮服 Queens House / 龍將洋服
女家 – 媽咪衫 :: tbc ::
女家 – 爸爸衫 :: tbc ::
男家 – 媽咪衫 :: tbc ::
男家 – 爸爸衫 :: tbc ::
伴娘裙 :: tbc ::
姊妹裙 :: tbc ::


新娘花球 / 手花 / 襟花 Miracle Flower


主花車 Hyatt Regency TST
24/28 van :: tbc ::


伴郎 :: tbc ::
伴娘 :: tbc ::
兄弟 :: tbc ::
姊妹 :: tbc ::
司儀 Samson @ Wedding Unique

By Roger

14 September 2010

印信封

為配合印信封的工作,特地添置了一台 printer,上上個星期日由老遠0既灣仔 298 拎返屋企,只係為0左慳 68 蚊,好似有0的戇居。

Canon
LBP3050
測試效果

 
見影開相,補貼返我地結婚戒指0既相 .... Cartier Trinity Wedding Band


By Roger

23 August 2010

龍鳳被

琴日下晝去0左 megabox,去宜家買0左幾個廚房勾同埋0的碗碗碟碟,本來諗住去 Giormani 買個骰仔 Cushion,點知要買 800
蚊野先送貨,唯有再諗諗先啦。

廚房勾



行過吉之島,話咁快又完成0左一個 task : "龍鳳被" Casablanca 龍鳳被 : 床笠、枕袋、被袋

Casablanca龍鳳被套裝






By Roger

20 August 2010

囍帖

基本上,帖已經係上個月拎0左。而家只係補 post 返0者。
帖及信封


近鏡睇真0的


幾靚 !!


放即晚相用的信封


利是封,其實佢表面係有"激凸"效果,
不過影相唔係好覺


哩個角度好似明顯0的


By Roger

17 August 2010

點解個表咁長 ??!!

主要項目
Wedding Banquet Hyatt Regency TST
Civil Celebrants of Marriages /
Ring Pillow / Feather Pen
Richard Lau
Pre-wedding Photography Ti
Wedding Date Photography & Videography Hoolala
Bridal Styling Hoolala
Decoration JNC
Wedding Ring Cartier
Gift :: tbc ::
Liquor :: tbc ::
Red Wine Sun's Talent Co
Wedding Cake Hyatt Regency TST


場地項目
座位板 / Table No. / Menu / JNC
Centerpieces Hyatt Regency TST
場地音樂 :: tbc ::
Reception – 簽名板 :: tbc ::
Reception – 簽名筆 :: tbc ::
Reception – 人情箱 :: tbc ::
Reception – 瓜子糖果 / 其他 :: tbc ::


過大禮項目
過大禮日期 18.9 @ 1:15pm
過大禮用品 :: tbc ::
西餅卡 美心
唐餅卡 :: tbc ::
龍鳳被 :: tbc ::
囍字貼 :: tbc ::
男女家對聯 :: tbc ::
男女家上頭用品 :: tbc ::
男家上頭睡衣 :: tbc ::
女家上頭睡衣 :: tbc ::
斟荼 – 茶具, 碗筷 :: tbc ::
斟荼 – 囍字紙杯 :: tbc ::
斟荼 – 紅棗蓮子 :: tbc ::
斟荼 – 跪墊 :: tbc ::
出門 – 紅傘 :: tbc ::
出門 – 米米豆豆 :: tbc ::
回門乳豬 :: tbc ::


囍帖 / 回禮利是 / 相咭 / 封口貼紙 囍帖廊


服飾項目
新娘 – 婚紗 / 晚裝 Queens House
新娘 – 裙褂 永隆
新娘 – 婚紗鞋 / 晚裝鞋 DYOS
新娘 – 裙褂鞋 :: tbc ::
新郎 – 禮服 Queens House / 龍將洋服
女家 – 媽咪衫 :: tbc ::
女家 – 爸爸衫 :: tbc ::
男家 – 媽咪衫 :: tbc ::
男家 – 爸爸衫 :: tbc ::
伴娘裙 :: tbc ::
姊妹裙 :: tbc ::


新娘花球 / 手花 / 襟花 Miracle Flower


主花車 Hyatt Regency TST
24/28 van :: tbc ::


伴郎 :: tbc ::
伴娘 :: tbc ::
兄弟 :: tbc ::
姊妹 :: tbc ::
司儀 :: tbc ::

By Roger

16 August 2010

小禮物

小禮物大概已經確定,應該都無咩問題喇掛。

有 4 個色
仲有 logo,幾靚 ~

By Roger

家居照片


更新了版面,順道放一些家居照片

麵包超人

McDonald's Hello Kitty
掛牆鐘
淘寶網買的燈
梳化
電視一角
SONY 40NX800
PS3

客廳外望
電腦枱
廚房一角

By Roger

21 June 2010

床、枱、櫃 and 電視

仲有 2 個多禮拜就要搬屋喇 ..... 要買0既野都差唔多喇。

星期六去0左做床架 and 買餐枱 .....

琴日去 ikea 買埋電視櫃,雜物櫃同埋書枱 (哩張都唔係我想買0個張 .... 不過算啦,我都只係要一張大大的書枱0者).... 仲有洪小姐0個個梳妝櫃 .... 

哈哈 !! 仲有就係終於買0左新電視喇 yeah ~!

快0的送貨啦 ~


By Roger

07 June 2010

All I want is you!~

哼... 死奸仔今日同我講話我打 BLOG 少過佢... 痴線...兩行字都叫一篇 BLOG... 求其寫兩隻字貼張圖又叫一篇 BLOG... 無賴! 為0左鄙視佢呢個行徑... 我決定打一篇 BLOG 反擊... All I want is you...係一首歌... 一首...幾骨痺0既歌... 但係由於我地本 pre-wedding 0既相簿入面...要加呢 D 骨痺0野 (歌詞) 落去... 是但啦... D 人應該只係會留意我地 D 相而唔係歌詞... 但係我都想 POST 比大家睇睇...有幾骨痺... (有 D 似幾廿年前還珠格格0個首咩「你是風兒...我是沙!」) 妖...打到都有 D 打冷震!~ All I want is you! If I was a flower growing wild and free All I'd want is you to be my sweet honey bee And if I was a tree growing tall and greeen All I'd want is you to shade me and be my leaves If I was a flower growing wild and free All I'd want is you to be my sweet honey bee And if I was a tree growing tall and greeen All I'd want is you to shade me and be my leaves All I want is you, will you be my bride Take me by the hand and stand by my side All I want is you, will you stay with me? Hold me in your arms and sway me like the sea If you were a river in the mountains tall The rumble of your water would be my call If you were the winter, I know I'd be the snow Just as long as you were with me, let the cold winds blow All I want is you, will you be my bride Take me by the hand and stand by my side All I want is you, will you stay with me? Hold me in your arms and sway me like the sea If you were a wink, I'd be a nod If you were a seed, well I'd be a pod If you were the floor, I'd wanna be the rug And if you were a kiss, I know I'd be a hug All I want is you, will you be my bride Take me by the hand and stand by my side All I want is you, will you stay with me? Hold me in your arms and sway me like the sea If you were the wood, I'd be the fire If you were the love, I'd be the desire If you were a castle, I'd be your moat And if you were an ocean, I'd learn to float. All I want is you, will you be my bride Take me by the hand and stand by my side All I want is you, will you stay with me? Hold me in your arms and sway me like the sea

又添置了新傢俬

無啦啦行過實惠 .... 又買0左過衣櫃同鞋櫃 .....
都係0個句,連住邊都未決定就又買野 .....

唉 ~!

By Roger

又去婚紗展

唉 .... 都唔知去咁多次仲乜 ?

今日去到 , 買0左乜乜 DYOS voucher,同埋無意中買埋紅酒 ....

Ch Le Grand Moulin 2006 Premieres Cotes de Blaye


By Roger

06 June 2010

廚房用品

上 2 個星期,我地為我地0既新居添置了一個鑊 .... 天上野生鐵王 .....


同埋 Tefal Ingenio 11 件套裝 .....



By Roger

22 May 2010

買傢俬

今日11點起身,12 點幾出發去0左新世紀 .... 今日0既工作係睇床褥,之前去過永安,試0左 Sealy, Simmons 同 Slumberland (點解全部都係 S 開頭) .... 試0左一大輪,比較0左價錢同舒適度,再加上洪小姐比較埋員工0既知識同服務態度之後,初步揀0左 Sealy 同 Simmons。今日去新世紀就係要去專門店再試真0下。


1 點多食完太興就上去新世紀 .... 先去 Simmons,因為0係永安係先試 Sealy,為0左公平0的,今次先試 Simmons。入到去試0左 2 張 ...

第一張 ...... ok 啦,無咩特別,都幾好
第二張 ...... 好過第一張

哩 2 張應該永安都無擺 ...問0下價錢 ...... 萬六同兩萬五 ..... woooo 同永安差好遠喎,永安擺最費都係好似萬八,拎本 catalog 睇0下 ..... 本野靚過永安0個隻 leaflet 好多,果然係專門店。

之後去 Sealy 試,試0黎試去又係試返 premium collection,0個0的乜乜 hotel deluxe 真係唔係幾好,太軟,同埋隔離郁係原原全全跟住郁 .... no good。0係專門店試0左張乜乜 premium signature .... 話咩只係得專門店先有,但同之前永安試 premium classic 差唔多 ... 價錢都差唔多,但就永安平少少 ..... 好,又係時候離開,轉去下一站 sogo。

因為琴日睇到 sogo thankful week,Sealy 有折仲要有得再減,就去睇0下啦又。上到去,二話不說就試 Sealy,其實我地都揀0左係 Sealy 0架喇,爭在邊張同邊度買0者。之前0係永安試0左 Knightsbridge 同 premium classic,一張一萬零幾,一張萬六。去到 sogo 睇0下佢幾錢,一張萬一,一張萬五。嘩 ... 平0左成千銀 ... good !!!

講真,premium classic 係舒服過 knightsbridge 0既,只係洪小姐話爭五千幾蚊先要諗咁耐0者。但為免第時後悔都係買張貴0的好,一陣買張平,訓得唔輸服就唔好啦,心理作用始終都係貴0的好。最後埋單 $14,935。Sogo card 有多 5% discount,好,即刻申請,大拿拿平多 6 百幾蚊,梗係即刻申啦。買完,拎完 application form,搭車走。

返到 jordan,去0左 Giormani,買埋上個星期睇中0個張 sofa,四千幾蚊,ok 丫,又多布揀,唔錯。佢話 .... 月尾就無折,為怕 "蝕",買0左先。

揀完一輪,最後埋單 $4,109.7。

我地連租邊度都決定就買0左上面 2 件傢俬 ... 哈哈

By Roger

08 April 2010

不停大出血...

呢幾日...不停咁狂出血... 好赤...!!! 首先講講...DECORATION... 3 月 27 日我地第一次去到一個都幾山卡啦0既地方開會... 呢間 DECORATION 公司叫 「JNC」... 其實我地之前0係網上面睇0左好多 DECORATION 0既公司... 係得佢呢間係叫做真係0岩我地心水... 有 D 都 OK,但係一係就 BOOKING 太 FULL,一係就 EMAIL 極都唔覆... 呢間公司 D 0野真係好靚... 個 SALES 又好 NICE 好 OK... 我地諗0左唔夠一星期就決定用佢... 不過...就...偏貴囉...(我覺得!) 陳生就話算係咁 OK 啦 (價錢)... 是但啦...不過我都真係幾肉赤!!! 跟住就係我地0既小禮物喇... 小禮物係 BG 提供 CONCEPT 過我... 0係度唔講係咩住... 但係我覺得真係幾好!!! 好難得連陳生都覺得 OK... 仲要係我地只係傾0左一次就 CONFIRM 做呢樣0野!!! 搵0左好多間公司做 QUOTATION... 結果都係搵0左陳生0既老死幫手... 吾... DETAILS 都差唔多傾哂0架喇... 呢個應該問題不大... 價錢都 OK...!~ 跟住又到張帖... 本來一心一意諗住用酒店張帖就算... 陳生本來都話 OK... 跟住睇完 JNC DESIGN D 帖佢又話酒店 D 帖唔掂... 唉... 又係錢...本來唔駛錢... 不過酒店張帖又真係肉酸0左少少...懊惱中! 最後就係0黎到最令我肉赤0既...pre-wedding... 其實影0個陣真係好開心0架... 番到0黎香港仲即刻打去問幾時有得睇相!!! 4 月 6 日...終於都有得睇... 影0左三百幾張... 揀0左八十幾張出0黎... 唉...唔知呀...好肉赤呀... 我知...我預0左要比錢... 但係真係冇預咁多囉!~ package 係萬七... 揀完相再比多萬七... 我冇預到我要比咁多錢影 pre-wedding 囉...!~ 不過算啦...陳生話是但喎... 其實都冇得唔算...錢已經比哂... 點解我會拎張卡出0黎比錢0架?????????!!! 好多0野都進行得如火如荼... 我地亦都 predict 到...臨結婚前兩個月都忙到顛! (廢話...我知!) well...加油啦0下... 點解結婚要用咁多錢0架頂!!!~

18 March 2010

Pre-Wedding!!!

終於都完成0左影結婚相呢個偉大0既工程喇! = )
本來話要努力減肥...但係結果都冇...哈哈...
只係臨出發前一個月食少0左0野...
做多0左運動...
少少瘦0左就實有0既...不過唔多囉...!~
加上去 Cebu 之前0個個星期就發生0左「貓貓移民去彩虹橋」事件...
所以又瘦0左 D...

其實出發0個日心情都仲係唔多好...
而且仲要係一 D 祈待都冇...
對眼仲要係好腫0下囉...!~

3 月 7 號晚...
第一次見攝影師哥哥同埋化粧姐姐...
佢地都係搞笑0個 D 囉...
問我地影相想要 D 咩 STYLE 呀...有冇咩特別要求...etc...
哈...都幾好傾0架...
佢地又好 NICE 喎!~

3 月 8 日...開始有 D 緊張...

3 月 9 日...
晨早六點九就起身...
七點鐘化粧姐姐就0黎開工喇...
搞0左兩個幾鐘終於搞完...
著起件 GRIDLE 0既時候就已經知死...
平時著 GRIDLE...扣到最埋0個格係好鬼死迫0架嘛...
今日竟然有鬆...
著埋件婚紗仲死...
因為之前件婚紗係0岩0岩好0架嘛...
唯有用扣針扣住等佢唔會跌...
最多唔影後面囉...

全日都0係酒店入面影相...
第一 PART 由九點半左右影到十一點半左右啦...
第二 PART 就由兩點半左右影到六點...
感受係...好熱同好曬...
成日都硬食太陽...好辛苦...
但係又要扮到懶 ENJOY 咁...
我唔做戲真係0徒哂!!!~
不過睇番第一日影 D 相 (0係攝影師哥哥相機睇!)
我都幾鐘意...= )

3 月 10 日...
九點鐘化粧姐姐到達...
今日我地會去一個島...
聽聞 Shiseido 買0左呢個島...
所以我一路都叫佢做 Shiseido 島...
化哂粧 SET 哂頭著哂婚紗坐船去!
哈哈...仲要當日係有 5 pair 人一齊去...
成船 D 人都著哂婚紗禮服都幾搞笑!

個島好細...
但係都影0左四粒鐘!
曬爆!!!!
我諗我用哂我一生人0既 QUOTA 去同陽光玩遊戲!!!
今日影0個 D 相我更加鐘意...
因為今日0既兩件婚紗係我最鐘意0既 2 件!!!~
呢兩日影相都玩得好開心...
雖然勁流汗同勁曬...
但係超感激攝影師哥哥同埋化粧姐姐!!!
光頭0既攝影師完全唔鍚身...
落水...趴地...曝曬...
由於佢係光頭0既關係...
佢頭部甩皮就甩到好似個地球咁,一撻撻!!!~

化粧姐姐就更加唔駛講...
晨咁早就0黎幫我扮靚靚...
全天候日跟足全程幫我地補粧印汗...
仲要負責打反光板...
所以佢地辛苦過我地好多好多!
超級感激佢地呀真係!!!~

聽聞最快下個星期尾就有得睇相...
唔係月尾前都有...
真係非常非常非常之咁祈待呢!!!

仲想講多樣0野...
就係多謝陳生 = )
我呢個 TRIP 真係玩得好開心! 多謝哂!

17 March 2010

結婚相



終於都影完 2 日結婚相喇 ~! 同時我地 6 日 5 夜0既 cebu 之旅都完結 lu ~! 哩次旅程都 ok 辛苦,真係唔講得笑。 3月 7 日半夜

1 點香港出發,去到 cebu 已經係 3 點咁上下,去到酒店 check-in 沖涼,搞得0黎都天光。訓一陣到到晏晝我地就去0左 SM City 買手信,哈哈,第一日就買手信.... 芒果乾。

行到夜就返酒店..... 休息。
 

第二日我地去0左 bohol 睇馬騮,其實都唔可以叫馬騮,佢有個名叫  Tarsier
又搭車又搭船就係為0左睇0下佢 ..... 哈哈

第三第四日就係辛勞0既影相日,又熱又曬 ..... 又要我笑 .... 我都唔識笑0既 .... 唉 又要人對住個太陽0黎影... 真係望多陣都變盲 .... 其實被影同影人0個個都係超辛苦 ..... 都係要0係陽光下曬,攝影師哥哥仲要又趴地又落水,都咪話唔辛苦,影相0既地方雖然唔係好大

(第一日0係酒店入面,第二日0係0個個什麼 Shiseido島,下面就係佢地0既衛星圖喇)


(Plantation Bay Resort & Spa)


(Shiseido 島)

第五日去0左浮潛,浮完之後我就變成0左一個黑人喇 ....

最後一日去0左 spa,2 個人做 spa 要成 10,000 php = $1697,不過個環境咁靚,算啦。

總括0黎講哩個旅程都幾好0既,又影相又有得玩 ..... 算係咁啦。 係就係辛苦0的,唔知影出0黎係點呢 ? 好祈待睇相日 ...... 睇0下辛苦0左2日0既回報 ..... 嘿嘿嘿 !@

By Roger

06 March 2010

貓貓...你好嗎?!

貓貓, 你好嗎?! 2010 年 3 月 4 日...我地做0左一個好唔想做0既決定... 我地要你去彩虹橋繼續你0既生活... 唔係因為我地唔再愛你,唔再錫你... 係因為我地太愛你...唔想你再受苦!~ 你知嘛? 每日番到屋企見到你嘔四五"篤"0野... 個心有幾難受? 帶你去睇醫生0個日... 我完全冇諗過原來你已經係咁嚴重... 醫生話你其實已經好危險...隨時都會走... 但係從來都唔會0係你面上見到一點兒異樣... 你只係比平時訓多0左...講少0左0野... 我地番到屋企你仍然會0黎迎接我地... 你已經連續嘔0左六日喇... 你知嘛? 我個心其實真係好痛... 見到你咁辛苦...但係又一 D 0野都做唔到... 0個種感覺真係難受爆! 你當我地自私...我真係唔想再見到你咁樣!!! 每次見到你嘔我就喊... 人都就快崩潰...!~ 我地陪住你走最後0既一段路...直至你訓著覺... 你知嘛? 我其實真係好唔捨得你... 我真係好唔捨得你... 你唔好嬲我...我真係唔想見到你一日嘔幾次... 0野又食唔到水又飲唔到... 我真係唔想再見到你咁辛苦... 好多謝你呢咁多年比0左咁多回憶比我... 對唔住...呢一兩年0黎我對你比以前差... 甚至想將你送比人... 對唔住呀!!!~ 你放心啦...我唔會唔記得你...我一定唔會忘記你... 相反你會永遠都0係我心入面... 我會永遠都咁愛你,永遠都咁掛住你!!!~ 希望你0係彩虹橋生活得快樂! Miss you & Love you always...and forever!!! 愛你的祖兒上.

05 March 2010

再見貓貓

琴日(3月4號),貓貓離開0左喇。我地雖然傷心同唔捨得,但哩個應該係對貓貓最好0既方式,我地大家都唔想佢咁辛苦。貓貓會一路留0係我地0既心中 ....

命運同緣份睇0黎都係整定,
早幾個月我地仲諗住將貓貓送俾人,巧合地又有第0的原因對方無接收到貓貓,貓貓繼續地留0係我地身邊。
咁0岩我地0黎緊下個星期又會唔0係香港 .... 貓貓又0係哩段時間病 .....
樣樣野都好似整定咁。個天好似要我地好好照顧貓貓剩下0既日子同埋要我地陪住佢離開。

琴日下晝返到屋企,開門0既時候少0左貓貓0既聲 ...... 少0左阻止貓貓走出街0既哩個動作 .... 見唔到貓貓整亂0左0既野 .....

平日每朝起身行出房都總會周圍望0下貓貓0係邊度 ....

每朝沖完涼,貓貓都總會 "meow" 我整野俾佢食 ...

開冷氣的日子都總會在半夜俾貓貓0既抓門聲整醒 ....

每次食 mcdonald、食薯片,貓貓都總會走0黎煩住要食 .....

原來貓貓已經成為0左我地生活0既一部份 ... 貓貓0係度就覺得佢煩 ...... 佢走0左又會覺得失落,好似少0左0的野咁 .....

不過傷痛已經過去,我地同貓貓由今日起都要過新0既生活 .... 貓貓會永遠留0係我地0既心中 ... 加油呀 ~!!





By Roger

13 February 2010

修身美容...

哈哈...睇到呢個 topic... 就知係關於我為我地呢個婚禮開始要做事前功夫... 大佬我呢 D 又唔係天生麗質魔鬼身材... 點都要搵 D 錢0徒0下搞0下呢樣0個樣搞下個 body 0架嘛~ 1. 燕窩... 影完 pre-wedding 番黎就會開始食... 琴日去0左官燕棧買0左十樽...wakakakaka... 每一樽最多食十日... 即係我買0既份量已經夠我食一百日! 希望真係可以增強抵抗力 + 靚靚! 咁當然我會 keep 住一路食食食...唔係食一百日 only 啦... 最開心係... 陳生比我買之餘... 仲要係當 wedding expense...即係唔駛自己比錢! 呵呵呵!!!~ 2. Facial 琴日做完 facial 又比人「說」0左買 package... 不過算啦... 好似 Eunice 話齋...每個女人都一定要有最少一個 facial package 0係手... 呢個 package 可以做 facial 又可以做減肥 (其實我唔多信可以減到,係修0下個 shape 0者!) 是但啦...(不過呢個係我自己比錢的!) 我一定要比 D 恆心!!!~ 3. 減肥 減肥當然唔少得節食同做運動... 好似以前食減肥藥0個 D 我已經唔會再試... 因為對身體唔好之餘又唔係好 WORK... 所以都真係唔會再諗...我寧願拎 D 買減肥藥0既錢去做 FACIAL / 做運動!~ 自從之前做完手術之後... 都有半年時間冇跳過舞... 為0左三月頭影 pre-wedding 可以瘦少少...靚少少... 二月已經開始我0既節食 + 做運動 project... 早餐晏晝照食 (但係比起之前食得清淡0左...同埋少 D 囉 D 份量!) 夜晚就真係食得好少... 平時夜晚唔係食到勁飽都唔收口... 依家真係唔得喇...! 同埋真係戒口唔食甜品 / 甜0野... 冇飲汽水囉... (不過有時偷雞飲一兩啖!) 運動方面... 依家逢星期二同四就跳舞...(每堂1.5 小時) 星期三就打網球 (2 小時!) 希望可以做到好健康地咁減肥啦!!!~ 同埋希望可以慢慢咁加多 D 運動量... 一個星期跳到三至四堂舞就好喇!~ 有燕窩,有節食,有運動,有 facial... 嘻嘻... 真係好...!~ 不過...係冇咩時間咁0者好似!~ between...今日係拍拖九年零九個月!~

03 February 2010

影相用的鞋 ?!

3 月要去影相,由於要著白色禮服,所以要買白色鞋。為免新正頭買鞋,咁今日就去0左買鞋喇,下面哩對就係我去影相會著0既鞋喇 ......





..... 其實我覺得 adidas 0的鞋一 D 都唔好著。

By Roger

28 January 2010

Cebu package confirmed !!

琴晚洪小姐過埋數 confirm 埋機票同酒店,去 cebu 影相0既前期工作又告一段落喇。

我地會0係 3 月 7 日凌晨 1 點出發,去到應該 3 , 4 點度啦如果唔 delay 的話 (但好似話我地搭0個間什麼 cebu pacific 係經常 delay 0架喎)。3 月 9 號、10 號先影相,即是話我地會有 2日時間攤抖0下喇。

Platantion bay resort & spa..... 睇相好似都 ok 啦個樣,好似好大,好 relax 咁,希望到時唔好失望啦。

萬事俱備,2 月 1 號去開埋0個個影相會 ..... 就可以等出發喇 !!

大熱天時,唔知要著咩野衫去呢 ? 要帶0的咩去呢 ? 唱幾多錢好呢 ...... ?

(嘿嘿,今次我快過你 update,yeah !~)

By Roger

23 January 2010

結婚日化粧 & 攝影...

無錯...我地已經 confirm 0左結婚當日化粧 & 攝影喇! 係同一間公司...叫 Hoolala... 之前睇 D 結婚書...已經比 Hoolala 廣告入面0既化粧造型吸引住... 到到之前去業業0既婚禮... 見到佢老婆成個造型都好靚... 咪問0下佢地係用邊間囉... 點知又係 Hoolala... 咁冇啦...仲唔係你??? 嘿嘿嘿~ 約試粧都約0左成個月... 仲要專登請假去...冇計啦...好0野係要耐 D! 哈哈!~ 又要好感激 EUNICE 都請0左假陪我! 我地兩個0既婚禮...EUNICE 真係有好多好多0野都 get involve! 我真係好感激有你呢個咁好又咁幫得手0既朋友 + 伴娘!!!~ 試粧試0左三個鐘頭! 好多0野講...好多0野問...(我指我!) 哈哈!~ 阿 Joe (講咁耐都唔記得介紹化粧師叫阿 Joe) 佢真係好 Nice...又 Funny... 化0既粧真係嚇死人... 令到我家陣都唔多願見到自己「真身」!!! 哈哈...化粧係一樣好偉大0既發明... 平時自己都係咁 e 化0下...相比起阿 Joe 出神入化0既...一對手... 哈哈!!! 冇0野好講!!!~ 髮型設計更加唔駛講... 除0左有一個我自己唔太鐘意...(覺得好女人!) 其他都好 OK... 不過只係試粧同試造型... 所以其實都冇咩所謂... 因為阿 Joe 話今日係試下佢手勢同 atitude...哈哈... OK...你手勢同 atitude 我都好 OK 呀!!!!!~ 好鐘意!!! 試完粧就睇埋 Hoolala 0既 wedding day 攝影... 其實我一路都有做 research... 邊間好邊個 photographer 好... 因為我又要睇0下人地影相 D style 同 feeling 係咪我要0個 D... 又要睇價錢...又要睇包 D 咩... 呢樣0野一路都係我自己一個人0係度搞... 因為陳生成日都話佢「無所謂」喎... 好明顯最有所謂就係佢啦... 又要咩 video 係 blu-ray 呀... 又要唔知有咩 video highlight 呀... 又話咩即場哂相呀又 A 又 B... 其實我自己覺得 Hoolala 個價錢都叫做 OK... 唔可以叫好平,但係我覺得 reasonable... 攝影師叫 Robo...係阿 Joe 0既老公... 不過呢位仁兄...應該係比較慢熱的! 因為開頭我同佢講0野...佢係...冇咩反應的...一句起兩句止... 但係傾落都幾搞笑幾好傾! 哈哈!!! 等陳生放工0黎到...介紹哂佢地0既 service... 見陳生都好似幾滿意...我都幾滿意... 因為我覺得佢兩個 D service 都好好... 都可以 fullfil 到我地要求0既0野... 而且一 D 都唔 hard sell... 有 D 0野可以仲可以到時先再決定... 你知啦...有 D 人唔係0嘛... 咩都叫你要即刻 confirm... 搞完哂...成個試粧 + 攝影 package 介紹... 共 4.5 小時!~ 我真係好開心!!! 因為又搞完 2 壇大0野!!!~ 哈哈!!! 吾...比較大壇 D 0既0野已經九九十十... 爭好多好多濕碎0野...慢慢0黎啦...!!! 吾...三月影結婚相...仲有一個月咋... 要地獄式減肥一個月先得喇!!! 要加油加油加油呀!!!!!!~

15 January 2010

wedding day 租衫!~

WAKAKAKAAAAA... 我今晚好開心呀!!!!!!!!!!!! 繼上個星期六日連續行0左兩日租衫0既公司鋪頭... 星期日晚我已經 FOUL 淨兩間... 一間叫 QUEENS HOUSE...一間叫 PERFECT COUPLE!~ QUEENS HOUSE 可以免費試一件... PERFECT COUPLE 就要比 300 蚊試衫費!~ 經過幾日0黎不停0既掙扎同埋不停咁煩住我伴娘 EUNICE... 結果決定0左...今日先去 QUEENS HOUSE 度試... 因為佢地0既 POLICY 就係... 試0左一件...JOIN 一件0既 PACKAGE 錢... 就可以任試... 而之後都可以 UPGRADE 番上去貴0個 D PACKAGE...(即係 JOIN 多 D 衫0既 PACKAGE!) 好明顯... 我之所以咁開心... 就係因為我已經 JOIN 0左啦... 仲要係最多衫0既 PACKAGE... 1 婚紗,3 晚裝,1伴娘裙,1 男禮... 都係 5300 ONLY!~ 仲要可以任試任換...無限次數呢!!!~ 0個度仲有傳統0既裙褂... 都著得我幾瘦0架... 不過 EUNICE 話出去睇下先喎... 所以就冇加到裙褂! 但係我覺得都 OK 喎佢0個度...!~ 今晚七點鐘上到去... 我本來諗住好快就走得... 點知試0下試0下就九點半!~ 試0左好多好多...試到都花多眼亂!~ 但係好多都好靚好靚... D 款又多又 OK...真係好好好 OK 囉!~ 已經 HOLD 哂衫... 最慘就係...我有一件好鐘意好鐘意好鐘意0既紅色裙... 鳴...比人 HOLD 0左!~ 0個條裙我一試上身就已經好鐘意好鐘意好鐘意0架喇!!!~ 不過算啦...係你就係你0既... 我好相信有緣0既...我一定會可以著到呢條裙0架!!!~ 陳生都租0左一套黑色燕尾... 另一套短身就諗住去造0既... 嘩...件燕尾服係就係好 PLAIN... 但係就好型囉... 因為入面加0左件珠片背心...仲有好型0既珠片 BOW TIE! WOOOOO~~~ 超開心0既一晚!!! 多謝陳生陪0左我成晚都冇怨言! 多謝 EUNICE 又抽時間伴我揀衫!!! WOO!~ 又完成一個 TASK!!! SUPER 開心! 尤其係揀到自己鐘意0既衫呀! 哈哈哈哈哈! 我一定會係一個好靚好靚0既新娘!!! 呵呵呵~ 好開心呀 WAKAKAKAKAKAAAA!!!~

12 January 2010

[續上集] 搵搵搵

繼星期六洪小姐同 Eunice 行0左好多間鋪頭之後,星期日就輪到我接力喇。3 時出發,行了好幾個小時尖沙咀,之後再轉戰銅鑼灣,用盡九牛二虎之力終於擊退了該十幾間鋪頭。

行到腳都爛,洪小姐都仲係未決定揀邊間。

其實我又真係覺得差唔多囉,咪就係 "白色 = 婚紗 ; 有顏色0既咪就係晚裝囉" SO SIMPLE ..... 不過 ...... 妳要揀耐我咪就0下你囉,好無 ? 費事你到時後悔賴我。OK ?

喂 ..... 除0左睇你0既婚紗之外,麻煩你 ....... 打去問埋 Cebu package 啦,仲有無幾多日咋小姐 ~ 成日只係 single task ...... 你話你打電話去問0架開初0個時 ...... 至多我打去搵 Josephine 喇 (唔係 Joseph)

By Roger

10 January 2010

搵搵搵...

今日陳生要 OT...本來話要 OT 到五點... 咪約0左 Eunice 叫我陪我去睇鞋同埋行0下 D 樓上婚紗鋪囉~ 點知佢兩點半就走得... 仲話 JOIN 埋我地 (咁好死!) 三點 TST 等...結果係佢最早到! 哈哈! 第一站係利時... 諗住睇0下鞋先... 我同 EUNICE 睇...佢就0係門口等... 唉...見佢今日要 OT 咁慘... 又成個實蕉咁企0係門口... 我行得周身唔自然之餘佢又辛苦! 結果都係叫佢番屋企算!~ 行0左三兩間鞋鋪...間間都有對鞋鐘意... 不過一係唔夠高...一係冇白色... 行0左四五間就搵到...! Heee... 本來想買四吋0既鞋,但係個樣又唔多靚... 都係三吋0個個鞋款靚 D,三吋就三吋啦...唔多覺0既...!~ 間0野叫「Coup De Foudre」,要訂...因為冇現成0既珍珠白色... 十八號拎鞋...heee...又幾抵喎都...419 仲有九折! 好抵!~ 買完鞋就同 Eunice 行街街...(哈哈!) 都係行0左一陣0者~ 跟住又去食個 tea... 坐0下坐0下傾0下傾0下五點幾先開始去睇婚紗鋪!~ 今日行0左好多間: 1. Anoiva (太多人,入唔到去!) 2. Shinning Wedding (新開,好少款,D 款又唔多靚!) 3. Eliza C.C Lau (冇人...但係睇到入面有好多好多好多衫囉!) 4. Perfect Couple (呢間係我今日睇咁多間...唯一一間覺得 OK 0既一間!) 5. Princess Wedding (吾...我呢 D 老0野真係唔多0岩呢 d style...太誇張...!) 6. MF??? (呢間...又貴...又不知所謂...! 一定唔會幫襯!) 7. In Wedding (D 衫 OK 0既...不過間鋪好細...吾...要諗諗!) 8. Own Image (我冇問價錢但係我估好貴...吾...同埋 D 衫似奶奶衫多過似新娘衫...!) 我諗...應該都係咁上下...如果去過而唔記得...就...由得佢唔記得啦!~ 聽日...陳生會陪我行埋我個 LIST 上面0既婚紗鋪... 都唔係好多0者...15 間咋嘛!~ 呵呵呵~ 我決定0左... 睇埋聽日我就會扑鎚! 其實講真...0黎0黎去去都係咁上下0野... 係睇0下有冇邊間係真係有衫係自己鐘意囉!~ 加上本小姐有極嚴重選擇困難症... 睇多太多反而令自己...病情更惡劣!~ 吾...同埋今日去咁多間... 有同 D sales 傾過0下0既... D 人都話「下,點解你咁遲先開始搵衫?!」 吾...好遲咩...唔係0者我諗!~