不知所謂的垃圾...

前排番工番得好唔開心...
因為一個人...
我曾經因為呢個人...
自我封閉咗一個星期...
喺呢一個星期入面...
我勁唔開心...
心情係差到你唔信...
我以為我自己會痴線...
仲曾經唔開心到喺公司狂喊...
發神經!!!

一日一博...

我好想...好想可以做到一日一博...
就算每日只係得幾隻字...(好難...因為我覺得我個人係極度長氣的!)

今日想講關於我公司...

我已經在此公司渡過左七個年頭...
出黎做野都做左八年...
點解? 點解我仲未化?
點解我要咁上心? 點解我要帶公司野番屋企?
點解公司野可以咁影響本人情緒?
本人真係覺得好「支力」喇...
好想走...

但係又好懶搵工...
唉...
老公我可唔可以唔做野你養我算啦不如...(impossible.........)

發完神經...又要工作了...

救命新玩具!

上星期五 (一月七日) 係公司 Annual Dinner...
上星期六 (一月八日) 係公司兩位同事大喜日子...
唔知係咪見得太多...一星期見足六日...
咁就出事喇!
一月十日番工...嘩...全公司一半同事唔見左...
有番工的都七癆八傷咁...
太恐怖喇...
四十九人的公司...有十九人 Sick Leave...
萬九人戴口罩...!!!
雖然我冇受感染...
但係仍然都戴住口罩以防萬一!!!
上兩個星期已經同呆先生講我想買部空氣清新機除菌機放在公司...
係 Panasonic 同 Sharp 之爭...
其實我就想買 Panasonic 的...
因為...佢係寫明「made in japan」!!!
淨係呢句都夠殺! (無錯...我係漢奸!)
好彩上兩個星期左諗右諗都未買...
唔係就蝕喇...
因為 Panasonic 兩星期前的價錢為 2680...
今個星期已經係 1980 喇...哈哈~

今日食晏就走0左去百老匯買...
折實價 1780 仲有 18 個月免息分期...
每個月都唔駛一百個大洋...
呢部機仲有一個好處...就係唔駛換咩過濾網...
野...好抵!!!

 

我今年要身體健康...

我諗我舊年睇醫生0既錢...

應該都有我一個月人工!!!

人工包埋要受氣???

呆先生一日到黑都係同我講「呆太太好耐冇打 BLOG 喇喎~」
大哥...有時間先得架嘛...

點解今日打...
係因為我好唔開心...
唔開心的事唔應該記低...
但係我想抒發出來嘛...

其實...係好小事...
但係我好唔開心...好唔甘心...

點解做野做得快就 = 得閒?
點解準時放工就 = 冇野做?
點解工作量越來越多但係人工唔成正比?
係咪要我拖野做?
係咪要我日日 OT 先叫有野做? 先叫好多野做?

唉...因為呢件小事...
仲見到好多...人生百態...
哈哈...我都唔知...我只係覺得...
原來成日同你懶 Friend 的...可以變得好醜惡...
有 D 平時同你冇兩咀的...又可以會伸出援手!!!

其實工作都係為份人工...
人地成日話「人工係包埋受氣架...」
但係我想話...我呢個人工絕對唔包受氣囉~
我諗...我會做 D 野...