30 November 2009

試衫記

星期六去0左尖沙咀試衫,其實都只係洪小姐試為主,我只係陪試,又要搶人0的衫,你身穿0既 4 套衫,其實有一套係我0架你知唔知 ? 呃我一套衫。

4 點半試衫,又遲到 ........ 又要我等 .......

講真,套套都係咁之嘛,咪又係白色,又話人唔俾意見喎,我已經俾0左好多啦,我0既意見同大多數人都好一致,係洪小姐揀埋0的怪野之嘛,個個都係咁話你啦,又唔認 ..... 哼

試0左都成 3 個幾鐘,好在洪小姐都滿意,唔滿意就煩啦。好喇  ....... 又過0左一關喇。
0黎緊就係 2 月 26 日 final fit ..... 希望順利啦。大家都知洪小姐係幾多要求0架啦,呵呵 !~

最意外0既係原來今次試完衫,confirm 0左之後原來要俾埋淨返0既錢 ...... 又要俾錢 ..... omg ~~

算啦不過,係咪都要俾0架啦,早俾定遲俾0者 ....

洪小姐個 post 已經有相喇,想睇自己睇啦 .....



By Roger

29 November 2009

pre-wedding 試衫 project 完成!~

吾...部機...本小姐仲未拆開個 packing...
就比我懶多...一日咁多啦...
十二月...十二月開始好冇???! heee...

星期五晚 (11 月 27 號) 放工就仆0左落銅鑼灣總統間好出名賣 gridle 同 bra 0既鋪頭...
6 點半去到拎籌...食埋飯...等到九點先入得! (超極多人!)
為0左就係買 gridle X 1,bra X 3 同束褲 X 2...不過買到0岩用又 fit 自己0既0野...
算啦...! 哈哈! 雖然買0左千幾蚊...

琴日星期六 (11 月 28 號)...
Eunice 約0左我去 Agnes b high tea...
因為佢有一個免費0既 coupon...
一個免費...即係一個要比錢...
鳴...佢約我去仲要請埋我食...好感動呀!!!~

四點半先捨得0係中環 IFC 走...
well...我約0左四點半去試衫...heeee...
join 埋陳生...上到去都 4:50 分喇...

我完全唔知原來今日係要揀哂所有0既衫囉...
我仲要揀四件婚紗...
因為姐姐話去宿霧...冇夜景...
所以 D 人通常都唔會要晚裝...
咁又係...陽光海灘綠草如茵...著件勁閃 / sharp 紅 sharp 藍0既晚裝好似有 D 格格不入咁...

well...我一口氣試0左應該都有八件平腳裙...(原來試0左咁多!) 同埋三件拖尾...
本來姐姐話揀 2 件平腳 2 件拖尾...
但係我又覺得平腳好似靚 D 輕型 D...
想揀 3 件平腳 1 件拖尾...
但係試完拖尾又發覺好靚...
唉...我都話我有勁嚴重0既選擇困難症0架啦...

好彩 Eunice 0係度...
一個超幫得手0既好姐妹...
我仲諗緊我搵唔搵你做伴娘好!
你知啦...我有好多 concern 0架嘛!~

結果...都係揀0左2 件平腳 2 件拖尾...
陳生全程...好似一 D 都唔關佢事咁...
問親佢咩佢都話「差唔多啦,咪又係咁...」
唉...死得啦咁...
遲 D 租結婚當日0既衫...肯定又係一碌木!~

呢兩件就係最後揀0左0既平腳喇...
其實左邊0個條我唔係好鐘意...
但係陳生,Eunice 同個姐姐都話我呢條著得靚...
難得陳生有意見...咁咪就下佢囉...
右邊0個條0係三比二0既情況底下勝出...
哈哈...我同陳生都鐘意呢條蛋糕裙...
Eunice 同阿姐姐就鐘意下面已經落選0既其中一條...
結果我 email 0左呢兩條裙比 BG 叫佢幫我揀...hahaha...
呢兩件就係我揀0左0既拖尾喇...
上面呢 D 我都幾鐘意...但係佢地結果全部都落選...

陳生就揀0左一黑一白...
睇0下佢個死人樣幾鬼唔願意! = (
就咁搞一搞...就三個鐘...
八點先走人...哈哈...
不過又完成0左一個 TASK...都好開心呀...
吾...要比 D 心機減肥喇...
又琴日終於 confirm final shooting day 係 3 月 9 同 3 月 10 號...
heee...好祈待呀! 呵呵呵!~

24 November 2009

試衫???!!!~

我會做0架喎部機... 你放心都得喎真係!!!~ 琴日買完部機... 今日影婚紗相間 TI WEDDING 就打比我... 叫我去試衫???! 玩呀? 三月先去...又話個半月前先去試衫0既??? 我0既革命都未成功就要去獻醜... 著咩都唔靚啦!~ 但係個姐姐又好好人咁同我講... 快 D 去咪多 D 衫揀囉... 咁佢又好似講得岩喎...我大拿拿有成四套衫揀0架嘛... 而且試完會改...又會 FINAL FIT 0架嘛係咪??? 我個半月前減到肥咪得囉... 嘩哈哈哈哈... 但係呢排又鬼死咁多0野搞呀... EEEEE....我好想快 D 去呀...!!!~ 期待期待...HEEEE~

有人話要減肥

琴日同洪小姐專登去黃大仙買什麼 "日本旋轉踏步機",話要減肥去影相喎。



星期一去買,第一日 ...... 好攰
星期二,第二日 ...... 又話要 check 眼,又做唔到
星期三,第三日 ...... 打波,又唔會做啦
星期四,第四日 ...... 洪小姐話會做喎
星期五,第五日 ...... 又話約0左人食飯,又唔做啦

星期六、日我諗都唔會做啦,我就睇0下有幾多日會做,呵呵 ~

By Roger

09 November 2009

已成定案

昨日 confirm 了 2 樣野 :

婚宴地點 : Hyatt tsim sha tsui
結婚相 : 去宿霧影

話咁快就俾0左 6 萬幾蚊訂 .........

Confirm 0左,我覺得係件開心事,起碼又可以諗少 2 樣野,你知啦,女人成日都三心兩意,俾0左 deposit,無得再改,少樣野煩,幾好。但洪小姐就話佢心情好忐忑喎,費解 ?!

By Roger
琴日終於都去0左 WEDDING EXPO... 記得上一次去0既時候阿陳生好似「食蕉」咁跟住我同 EUNICE 尾... 一 D 都唔 GET INVOLVE...超討厭!~ 唔知係咪因為陳生開始對結婚0既事上心... 今次佢竟然好乖咁同我去... 仲要去0左好耐0下...(都成三四個鐘!) 其實今次去 WEDDING EXPO 係諗住行0下睇0下0野... 我想比陳生知道其實係有 D 咩要搞...真係好多0野0架嘛...(帖啦,車啦,租衫啦,PRE-WEDDING 同 WEDDING DAY 影相啦,餅卡啦...好多好多!) 順個便就去交 DEPOSIT... 我地 BOOK 0左 HYATT TST 個場都成個幾月... 今日先捨得去比 DEPOSIT... 幫我地 HANDLE 個 SALES 姐姐又0係 EXPO 擺 BOOTH...咪順便去埋囉!~ 又本來... 我一早就已經揀好0左去邊間影 PRE-WEDDING...(成三皮0野...0係香港影...好靚好型0架!) 陳生本來都話是但冇所謂,我鐘意就得... 點知琴日去到...有人反口...鳴鳴鳴... 仲要迫我即時做第二個決定... 我個人唔可以咁0架你知唔知呀? 我決定0左...要我改我要時間適應0架... 除非我未決定0架咋~ 結果...我地 JOIN 0左 TI WEDDING... 三月會去宿霧影相... 唉...完全唔係0個回事... 因為我由頭到尾都冇諗過出去影... 雖然宿霧個景真係超靚,D 相影0左出0黎都好靚... 我都鐘意0既... 但係要時間去接受囉... 同埋...最緊要係... 我本來係預四 / 五月影 PRE-WEDDING... 因為我要時間減肥... 依家三月頭就要影... 要即刻就減肥囉... 妖...搞到我個 PLAN 亂哂!~ 兩樣0野0既 DEPOSIT 已經唔見0左六七皮0野... 去宿霧影相其實到頭來應該都要三萬蚊... D 錢好似倒水咁倒...唉~ 不過...都係開心事0黎0既...

04 November 2009

我的第一次

我不嬲都係一個有心人啦,係你唔覺之嘛。
所以,要做 D 野令你發覺囉。

一路都覺得寫 blog 好無聊 (事實真係好無聊),無啦啦搵 D 野0黎寫,幾無謂。

但係我地哩個 blog 唔同,我個人覺得有目的 D。
就係要記低哩一年入面我地做過0既大大小小事,洪小姐成日都話有好多野要搞,有好多野要做,有好多野要準備,咁就等我地一年後睇0下哩個 blog 有幾多篇文章就知道係咪真係咁多野要搞啦,有單有據,無得抵賴。

仲有仲有,我要睇0下哩一年入面開心0既多定係唔開心0既多。
麻煩洪小姐你0係你每篇文章加返 "開心" 定係 "唔開心" 0既 tag (同埋你個名呀),睇0下你寫得多定係我寫得多。

OK ?
Let's get START

By Roger

03 November 2009

難得!~

好難得陳生會開 BLOG...
更加難得0既係佢竟然係為0左我地0既婚禮而開 BLOG!~
因為佢不嬲都覺得睇人地 D BLOG 好無聊...
寫就更加不在話下啦!

2010 年...11 月 5 日就係我地結婚0既日子喇...
陳生話佢想記低呢一年0既0野喎...
又睇佢寫得幾耐啦!~

多謝陳生...
呢個 BLOG 令到我覺得...原來你都好有心...嘻嘻!~