不知所謂的垃圾...

前排番工番得好唔開心...
因為一個人...
我曾經因為呢個人...
自我封閉咗一個星期...
喺呢一個星期入面...
我勁唔開心...
心情係差到你唔信...
我以為我自己會痴線...
仲曾經唔開心到喺公司狂喊...
發神經!!!



好彩得我好友鄔 & B 開解咗我...
唔係我諗我到依家仲係痴緊線...

呢個人...
我曾經當佢係好朋友好同事...
我自問我用心教佢野...
做錯事我亦從來都冇鬧過佢...
半年前...(大約啦!)
我真係頂唔順...第一次鬧佢...
問「其實你做野有冇上心架? 點解錯完可以重覆重覆重覆重覆再錯?」
佢答我「咁係人都有錯架啦!」
我...無言...

自此之後...
我再冇鬧過佢...
even 重覆重覆重覆重覆再做錯同一樣野...
我都只會黑面...西面...
或者...佢可能覺得我係更年期...
whatever...

上兩個星期...
又再次發生咗一件...頗嚴重的問題...
好明顯...再一次係某人犯錯...
今次...我話比自己聽...
我唔要屈住...我要爆喇...因為容忍係有限度...
而某人一而再再而三咁挑戰我底線...

我發狂鬧佢...
原因係因為件事係「琴日」發生...
「琴日」唔講...自己諗住用自己方法去解決...
「今日」唔講...
係直至「今日」晏晝...有人 send 咗 email 講咗件事出黎...
晏晝...係講緊下午四點...

我要清楚記低以下內容...
因為我要比人知道...我想像不到今時今日...
一個工作咗咁耐的「人」...工作態度係可以差成咁!

我:「我想你解釋一吓發生咩事!」
某人:「我都想同你講架喇...(講解詳情)...我記得同佢講過電話, 佢口頭應承咗我, 但係冇白紙黑字, 我依家都唔知追究邊個好!」

其實顯然成件事係某人的疏忽...因為人地真係有白紙黑字寫過佢會做咩, 唔會做咩...

我好嬲...因為...點講都好...人地有白紙黑字...點講都係你錯...
仲要推卸責任...

我:「你都幾好野架喎...你做錯野仲要推落人地度? 你永遠做錯野你唔會覺得唔好意思, 唔會講一句對唔住架喎!」
某人:「吓? 公事嚟架咋喎!」(顯然某人覺得公事做錯係冇需要道歉!
.
.
.
我:「呢件事你幾時知架? 點解唔一早講比我知呀? 你知唔知呢件事係一個好嚴重的問題?」
某人:「我唔知道你 urgency 的 standard 囉...下次我早 D 話你知...」
.
.
.
我:「你琴日已經知道呢件事...你一路唔講? 琴日我冇番...都可以打電話同我講丫...
琴日唔講...今朝番黎都應該第一時間通知丫...點解要等到人地出咗 email, 我叫你解釋你先講?」
某人:「我諗住講架...我諗住今日講...我想 check 埋 d 野先同你講...咁今日都未過...」
.
.
.
某人:「其實我依家做錯野...你駛唔駛咁既態度同我講野?!」(真係好好笑...)
.
.
.
我:「呢單野我唔會幫你孭...你自己同上級講...立刻去!」
某人坐咗喺自己位五分鐘有多都仲唔去...
我:「我叫你立刻去你仲等咩?」
某人:「其實我唔知我要點同上級講，我要講 D 咩?」
我真係忍無可忍...「你冇野呀? 你喺度做咗幾耐野? 你連點講你都要我教你???」
.
.
.
本人明白呢個世界廢人多的是，垃圾周圍都係...
但係此人...我實在係冇辦法再忍...

你走啦...
你番去火星啦...
做咗咁多年野...做咁多年都仲係同一個 POST...
你係咪真係要好好檢討一下你的所作所為?
受人錢財，替人消災...
你受呢份人工...
唔該你做好你的本份!
唔好想日喺度發夢...
覺得自己已經做多咗...
覺得人地應該加你人工 / 升你職...
你唔做 D 表現比人睇...
人地點會比???
呢界個世界係要付出先有收入...
係要先付出!!!!
你番工...都要番咗嗰日工先有糧出啦...
有冇人出咗糧先番工架?????
點解咁大個人仲係咁低能???

well...或者係我低能...
我可以忍到今時今日...
我諗我 EQ 都唔係想像中咁低...
相反...我諗我高估咗我自己的 IQ...

我所講的...全部都係事實...
絕冇加鹽加醋...
我所講的絕對對得住天地良心!
當天發誓...

自問對你不錯...
但係某人既所作所謂真係令我好失望...
坦白講我依家真係見到某人前面憎佢後面!

雖然某人唔係對我做咗咩不仁不義之事...
但係我真係好希望某人可以快 D 離開我既生活...

在此只能贈某人一自句:「不知所謂!」