點解要結婚? 點解要喊?

前幾日好友 EuEu 無啦啦問我...
「其實你同陳生都一齊住0架啦...又唔係想生 BB，點解會結婚0既?」
又...結婚當晚...我喊到豬頭咁...連誓詞都講到走哂音...
陳生朋友0係臉書問:「因乜事喊得咁淒涼?」
 

其實...同陳生一齊無耐...
我已經好想結婚...
奈何當時年紀太細...冇錢...更加冇腦...
只係「想結婚」而已!!!

0係我立場上...其實一齊住...唔結婚...
冇話唔得0既...
不過...我想要番個名份囉...
係呀...好老土的思想...
但係呢個真係我心所想~
唔知係咪由細到大...屋企人覺得以我咁0既性格好難嫁得出...
又成日比人話我肥呀...唔靚呀...etc...
搞到我自己都冇乜自信...真係好怕自己會嫁唔出...
所以好細個就已經諗定第二時真係結婚0既話我一定會高呼「我終於嫁得出喇~」(
結婚0個晚我真係0係台上面咁講0架!!!)

拍0左十年拖...我諗結婚都係時候喇卦???
喊得咁淒涼...係因為「我終於都嫁得出」...我唔係冇人要的!!!

嘿嘿~