初步行程確認

Day 1 (22/1 Sat) 預計行程 :
1. 香港出發到大阪
2. Hotel Vista check-in
3. 搵地方買白濱車票及海遊館 package
4. 難波逛街

Day 2 (23/1 Sun) 預計行程 :
1. 奈良公園睇麋鹿
2. Mouriya 食神戶牛

Day 3 (24/1 Mon) 預計行程 :
1. 和歌山黒潮市場食 lunch
2. 貴志川線睇貓咪站長
3. 梅田逛街
4. 地魚屋台食魚生

Day 4 (25/1 Tue) 預計行程 :
1. 環球影城
2. 心齋橋逛街

Day 5 (26/1 Wed) 預計行程 :
1. Grandberry 摘士多啤梨
2. 海遊館

Day 6 (27/1 Thu) 預計行程 :
1. 搭明光巴士去白浜
2. Tore Tore 市場食魚生
3. 梅樽温泉 check-in

Day 7 (28/1 Fri) 預計行程 :
1. Adventure World
2. 天山閣 check-in

Day 8 (29/1 Sat) 預計行程 :
1. 搭巴士返難波
2. 難波逛街

Day 9 (30/1 Sun) 預計行程 :
1. 京都清水寺、八阪神社
2. 梅田逛街

Day 10 (31/1 Mon) 預計行程 :
1. 即食麵發明館
2. 梅田食日の丸漁港組合
3. 難波逛街
4. 返香港

By Roger

敗家新作~

又敗家了...今次係...啫啫阿萬呢~

其實聽聞0左阿萬呢 D 粉底好好用已經好耐...
不過一路都冇意慾 / 衝動去買...
你知啦...高級產品低級人邊有咁多多餘錢買 & 用?
但係真真正正化粧都化了四五年...
其實好坦白講...冇咩邊隻粉底係真係...我會 ENCORE 買多次...
唔係 D 色唔岩...(一係太白一係太黃一係太紅)
就係太油太易甩太難用太唔遮暇...ETC...
其實都幾「彿」~ (FRUSTRATED)

2 人的晚餐...

呆先生成日都要求本人要煮飯過佢吃...
呢個絕對同本人煮飯好唔好食係冇關係的...
純綷係因為佢想折磨本人!!!

初初拍拖時耐唔時都會煮下...
不過來來去去都係煎牛扒，意粉，雞翼，炒薯條(依家呢個 PRODUCT 消失了!)...
有時都會一齊整自家漢堡包同焗 MUFFIN...

之後唔知點解...又一路都冇煮...
可能我太多家務做...
又可能係因為我懶...
其實最大可能係因為每次煮ing 都有人監督住嘈住哂...
煮完又彈三彈四咁囉~~~
比你都冇心機再煮啦...

救命新玩具!

上星期五 (一月七日) 係公司 Annual Dinner...
上星期六 (一月八日) 係公司兩位同事大喜日子...
唔知係咪見得太多...一星期見足六日...
咁就出事喇!
一月十日番工...嘩...全公司一半同事唔見左...
有番工的都七癆八傷咁...
太恐怖喇...
四十九人的公司...有十九人 Sick Leave...
萬九人戴口罩...!!!
雖然我冇受感染...
但係仍然都戴住口罩以防萬一!!!
上兩個星期已經同呆先生講我想買部空氣清新機除菌機放在公司...
係 Panasonic 同 Sharp 之爭...
其實我就想買 Panasonic 的...
因為...佢係寫明「made in japan」!!!
淨係呢句都夠殺! (無錯...我係漢奸!)
好彩上兩個星期左諗右諗都未買...
唔係就蝕喇...
因為 Panasonic 兩星期前的價錢為 2680...
今個星期已經係 1980 喇...哈哈~

今日食晏就走0左去百老匯買...
折實價 1780 仲有 18 個月免息分期...
每個月都唔駛一百個大洋...
呢部機仲有一個好處...就係唔駛換咩過濾網...
野...好抵!!!

 

我今年要身體健康...

我諗我舊年睇醫生0既錢...

應該都有我一個月人工!!!

香港寬頻 2

話說上星期五 HKBN 又打電話來，今次哩個自稱什麼客戶關注組，又一大輪廢話，我都係同一句 : "得喇 .... 你俾個咩價錢我先 ?" 又一大輪機械式廢話，最後話俾一個 "挽留價" 我，$159，24 個月約。由於我之前個 plan 係包埋 5G bbdrive 同 bbwifi，咁我當然問埋係咪包埋哩 2 樣野啦，雖然我好少用，但唔好蝕，幾大都要埋。本來 $158 我都算喇，點知佢話唔包 bbwifi (好在佢話唔包)，唔包當然再諗諗啦 ....

收線後上網去 discuss 一睇，原來 bb100 續約最低價已經去到 $128 + $300 coupon。好在無續到，唔係就蝕喇。

資訊發達，生恴真係幾難做，上網一 search 就知你個價係平定貴，要呃人無咁易喇 ~

By Roger

香港寬頻

合約下年 4 月尾先到期，由 11 月開始就不停打電話來叫我續約，價錢又唔吸引，仲要好似返大陸買野講價咁 ...

1st time: 唔記得幾錢喇，但係係貴過我用開個價錢 ......
2nd time : $198 叫我續約 ..... 睬你都傻，同而家一樣價錢 ....痴痴地線
3rd time : $189 叫我續約 ..... 平 9 蚊 ? 當我係乜先 ??
4th time : $175 ....一次比一次平，再等下，等你再平先諗
5th time : $175 .... 又係 $175 , 無誠意 ...
6th time : $175 .... 唔通 $175 就係底線 ??

剛剛在 hkbn 個網頁見到，新登記都只係 $169，夠膽死同我講 $175 ~ 王生你係咪唔想我續約 ??

By Roger

SONY 客戶服務

屋企部電視用了半年就有問題 ~ 唉 ...

其實佢唔係壞，只係個 LED 背光出淺色畫面時有 "黑影" ... 月頭 call 過一次維修，維修人員上門檢查後話係個 Edge LED 先天有哩種問題，其他機都係咁。既然佢咁講，都無計啦，唯有接受。但愈睇就愈礙眼，琴日 send 封 email 去 SONY "反映" 一下我的不滿。琴日 6 點多就有個維修部主管打電話俾我跟進 ... 哈哈，服務都算係咁。講完一輪佢話幫我換過個 panel，但要 check 有無貨同埋要返廠整，哩段時間會借機俾我睇住先。今日下午又收到電話話 panel 有貨，最快可以聽日安排收機更換 (都幾有效率 ~)，由於我要佢 7 點後先好上門收機，所以要假期後 (元旦) 先可以安排 (都可以接受 ~)

電視整唔整到就未知，但 SONY 個 cs 算係唔錯 ...起碼無拖我 ... 即管睇下佢整成點 ~!

p.s.: 我個人覺得就好嚴重喇，但呆太太就話可接受 ....(請放大睇下個頂)

By Roger