又見暈~

唉...年紀越來越大...
身體又越來越差...
訓又訓得少...都唔緊要...
最慘就係...一訓得唔好的話...
第二朝一定有事發生...!!! 萬試萬寧!!! ...


朝早搭車 (尤其係地鐵) 暈低跟住 call 白車入醫院...
本小姐應該都試過...最少五次或以上...

今朝又見暈...因為琴晚訓得唔好...
呆先生琴日唔知做咩撻著左個 engine...
仲要係火車個 engine...
搞到我訓訓下都要搵耳塞戴先得!!!

不過今朝那種係真係「見暈」...
因為我有位坐!!! 只係手腳麻痺 only...冇真係「雷」低~
有位坐同冇位坐真係爭好遠...
尤記得十月某一天...又係前一晚訓得唔好...
第二朝搭地鐵冇位坐...
結果只能夠由調景嶺捱到去石硤尾...就暈0左喇...
仲要繁忙時間...
好心人幫我襟制 (緊急剎車制!)
跟住咪就係...call 白車入醫院囉...
例牌菜~~~

唉...睇黎真係要好好「調」下個身子...(或者分房訓囉...哈哈!)

如果唔係第二時真係想生小朋友...都應該幾麻煩~