Cebu package confirmed !!

琴晚洪小姐過埋數 confirm 埋機票同酒店，去 cebu 影相0既前期工作又告一段落喇。

我地會0係 3 月 7 日凌晨 1 點出發，去到應該 3 , 4 點度啦如果唔 delay 的話 (但好似話我地搭0個間什麼 cebu pacific 係經常 delay 0架喎)。3 月 9 號、10 號先影相，即是話我地會有 2日時間攤抖0下喇。

Platantion bay resort & spa..... 睇相好似都 ok 啦個樣，好似好大，好 relax 咁，希望到時唔好失望啦。

萬事俱備，2 月 1 號去開埋0個個影相會 ..... 就可以等出發喇 !!

大熱天時，唔知要著咩野衫去呢 ? 要帶0的咩去呢 ? 唱幾多錢好呢 ...... ?

(嘿嘿，今次我快過你 update，yeah !~)

By Roger

結婚日化粧 & 攝影...

無錯...我地已經 confirm 0左結婚當日化粧 & 攝影喇! 係同一間公司...叫 Hoolala... 之前睇 D 結婚書...已經比 Hoolala 廣告入面0既化粧造型吸引住... 到到之前去業業0既婚禮... 見到佢老婆成個造型都好靚... 咪問0下佢地係用邊間囉... 點知又係 Hoolala... 咁冇啦...仲唔係你??? 嘿嘿嘿~ 約試粧都約0左成個月... 仲要專登請假去...冇計啦...好0野係要耐 D! 哈哈!~ 又要好感激 EUNICE 都請0左假陪我! 我地兩個0既婚禮...EUNICE 真係有好多好多0野都 get involve! 我真係好感激有你呢個咁好又咁幫得手0既朋友 + 伴娘!!!~ 試粧試0左三個鐘頭! 好多0野講...好多0野問...(我指我!) 哈哈!~ 阿 Joe (講咁耐都唔記得介紹化粧師叫阿 Joe) 佢真係好 Nice...又 Funny... 化0既粧真係嚇死人... 令到我家陣都唔多願見到自己「真身」!!! 哈哈...化粧係一樣好偉大0既發明... 平時自己都係咁 e 化0下...相比起阿 Joe 出神入化0既...一對手... 哈哈!!! 冇0野好講!!!~ 髮型設計更加唔駛講... 除0左有一個我自己唔太鐘意...(覺得好女人!) 其他都好 OK... 不過只係試粧同試造型... 所以其實都冇咩所謂... 因為阿 Joe 話今日係試下佢手勢同 atitude...哈哈... OK...你手勢同 atitude 我都好 OK 呀!!!!!~ 好鐘意!!! 試完粧就睇埋 Hoolala 0既 wedding day 攝影... 其實我一路都有做 research... 邊間好邊個 photographer 好... 因為我又要睇0下人地影相 D style 同 feeling 係咪我要0個 D... 又要睇價錢...又要睇包 D 咩... 呢樣0野一路都係我自己一個人0係度搞... 因為陳生成日都話佢「無所謂」喎... 好明顯最有所謂就係佢啦... 又要咩 video 係 blu-ray 呀... 又要唔知有咩 video highlight 呀... 又話咩即場哂相呀又 A 又 B... 其實我自己覺得 Hoolala 個價錢都叫做 OK... 唔可以叫好平，但係我覺得 reasonable... 攝影師叫 Robo...係阿 Joe 0既老公... 不過呢位仁兄...應該係比較慢熱的! 因為開頭我同佢講0野...佢係...冇咩反應的...一句起兩句止... 但係傾落都幾搞笑幾好傾! 哈哈!!! 等陳生放工0黎到...介紹哂佢地0既 service... 見陳生都好似幾滿意...我都幾滿意... 因為我覺得佢兩個 D service 都好好... 都可以 fullfil 到我地要求0既0野... 而且一 D 都唔 hard sell... 有 D 0野可以仲可以到時先再決定... 你知啦...有 D 人唔係0嘛... 咩都叫你要即刻 confirm... 搞完哂...成個試粧 + 攝影 package 介紹... 共 4.5 小時!~ 我真係好開心!!! 因為又搞完 2 壇大0野!!!~ 哈哈!!! 吾...比較大壇 D 0既0野已經九九十十... 爭好多好多濕碎0野...慢慢0黎啦...!!! 吾...三月影結婚相...仲有一個月咋... 要地獄式減肥一個月先得喇!!! 要加油加油加油呀!!!!!!~

wedding day 租衫!~

WAKAKAKAAAAA... 我今晚好開心呀!!!!!!!!!!!! 繼上個星期六日連續行0左兩日租衫0既公司鋪頭... 星期日晚我已經 FOUL 淨兩間... 一間叫 QUEENS HOUSE...一間叫 PERFECT COUPLE!~ QUEENS HOUSE 可以免費試一件... PERFECT COUPLE 就要比 300 蚊試衫費!~ 經過幾日0黎不停0既掙扎同埋不停咁煩住我伴娘 EUNICE... 結果決定0左...今日先去 QUEENS HOUSE 度試... 因為佢地0既 POLICY 就係... 試0左一件...JOIN 一件0既 PACKAGE 錢... 就可以任試... 而之後都可以 UPGRADE 番上去貴0個 D PACKAGE...(即係 JOIN 多 D 衫0既 PACKAGE!) 好明顯... 我之所以咁開心... 就係因為我已經 JOIN 0左啦... 仲要係最多衫0既 PACKAGE... 1 婚紗，3 晚裝，1伴娘裙，1 男禮... 都係 5300 ONLY!~ 仲要可以任試任換...無限次數呢!!!~ 0個度仲有傳統0既裙褂... 都著得我幾瘦0架... 不過 EUNICE 話出去睇下先喎... 所以就冇加到裙褂! 但係我覺得都 OK 喎佢0個度...!~ 今晚七點鐘上到去... 我本來諗住好快就走得... 點知試0下試0下就九點半!~ 試0左好多好多...試到都花多眼亂!~ 但係好多都好靚好靚... D 款又多又 OK...真係好好好 OK 囉!~ 已經 HOLD 哂衫... 最慘就係...我有一件好鐘意好鐘意好鐘意0既紅色裙... 鳴...比人 HOLD 0左!~ 0個條裙我一試上身就已經好鐘意好鐘意好鐘意0架喇!!!~ 不過算啦...係你就係你0既... 我好相信有緣0既...我一定會可以著到呢條裙0架!!!~ 陳生都租0左一套黑色燕尾... 另一套短身就諗住去造0既... 嘩...件燕尾服係就係好 PLAIN... 但係就好型囉... 因為入面加0左件珠片背心...仲有好型0既珠片 BOW TIE! WOOOOO~~~ 超開心0既一晚!!! 多謝陳生陪0左我成晚都冇怨言! 多謝 EUNICE 又抽時間伴我揀衫!!! WOO!~ 又完成一個 TASK!!! SUPER 開心! 尤其係揀到自己鐘意0既衫呀! 哈哈哈哈哈! 我一定會係一個好靚好靚0既新娘!!! 呵呵呵~ 好開心呀 WAKAKAKAKAKAAAA!!!~

[續上集] 搵搵搵

繼星期六洪小姐同 Eunice 行0左好多間鋪頭之後，星期日就輪到我接力喇。3 時出發，行了好幾個小時尖沙咀，之後再轉戰銅鑼灣，用盡九牛二虎之力終於擊退了該十幾間鋪頭。

行到腳都爛，洪小姐都仲係未決定揀邊間。

其實我又真係覺得差唔多囉，咪就係 "白色 = 婚紗 ; 有顏色0既咪就係晚裝囉" SO SIMPLE ..... 不過 ...... 妳要揀耐我咪就0下你囉，好無 ? 費事你到時後悔賴我。OK ?

喂 ..... 除0左睇你0既婚紗之外，麻煩你 ....... 打去問埋 Cebu package 啦，仲有無幾多日咋小姐 ~ 成日只係 single task ...... 你話你打電話去問0架開初0個時 ...... 至多我打去搵 Josephine 喇 (唔係 Joseph)

By Roger

搵搵搵...

今日陳生要 OT...本來話要 OT 到五點... 咪約0左 Eunice 叫我陪我去睇鞋同埋行0下 D 樓上婚紗鋪囉~ 點知佢兩點半就走得... 仲話 JOIN 埋我地 (咁好死!) 三點 TST 等...結果係佢最早到! 哈哈! 第一站係利時... 諗住睇0下鞋先... 我同 EUNICE 睇...佢就0係門口等... 唉...見佢今日要 OT 咁慘... 又成個實蕉咁企0係門口... 我行得周身唔自然之餘佢又辛苦! 結果都係叫佢番屋企算!~ 行0左三兩間鞋鋪...間間都有對鞋鐘意... 不過一係唔夠高...一係冇白色... 行0左四五間就搵到...! Heee... 本來想買四吋0既鞋，但係個樣又唔多靚... 都係三吋0個個鞋款靚 D，三吋就三吋啦...唔多覺0既...!~ 間0野叫「Coup De Foudre」，要訂...因為冇現成0既珍珠白色... 十八號拎鞋...heee...又幾抵喎都...419 仲有九折! 好抵!~ 買完鞋就同 Eunice 行街街...(哈哈!) 都係行0左一陣0者~ 跟住又去食個 tea... 坐0下坐0下傾0下傾0下五點幾先開始去睇婚紗鋪!~ 今日行0左好多間: 1. Anoiva (太多人，入唔到去!) 2. Shinning Wedding (新開，好少款，D 款又唔多靚!) 3. Eliza C.C Lau (冇人...但係睇到入面有好多好多好多衫囉!) 4. Perfect Couple (呢間係我今日睇咁多間...唯一一間覺得 OK 0既一間!) 5. Princess Wedding (吾...我呢 D 老0野真係唔多0岩呢 d style...太誇張...!) 6. MF??? (呢間...又貴...又不知所謂...! 一定唔會幫襯!) 7. In Wedding (D 衫 OK 0既...不過間鋪好細...吾...要諗諗!) 8. Own Image (我冇問價錢但係我估好貴...吾...同埋 D 衫似奶奶衫多過似新娘衫...!) 我諗...應該都係咁上下...如果去過而唔記得...就...由得佢唔記得啦!~ 聽日...陳生會陪我行埋我個 LIST 上面0既婚紗鋪... 都唔係好多0者...15 間咋嘛!~ 呵呵呵~ 我決定0左... 睇埋聽日我就會扑鎚! 其實講真...0黎0黎去去都係咁上下0野... 係睇0下有冇邊間係真係有衫係自己鐘意囉!~ 加上本小姐有極嚴重選擇困難症... 睇多太多反而令自己...病情更惡劣!~ 吾...同埋今日去咁多間... 有同 D sales 傾過0下0既... D 人都話「下，點解你咁遲先開始搵衫?!」 吾...好遲咩...唔係0者我諗!~

求婚...

09 年 12 月 4 日... 小呆終於都同我求婚喇! wakakakaka... 雖然我地已經搞緊結婚0既0野.... 但係我覺得求婚呢個係一個必須0既動作囉! 其實戒指一早就買0左...(仲要係我同佢一齊去買...自己揀求婚戒指...!) 只係有人一路都唔肯送比我... 話要 prepare 一下先喎... 等等等等... 等0左都好耐0下... 有人上個星期話約我 12 月 4 號晚食飯喎... 哈哈...其實都係叫做「預先張揚0既求婚...」!~ 雖然係預先張揚... 但係我都好開心...同埋好感動! 0個日朝頭早十一點幾左右啦... receptionist call 咪叫我出去收0野... 嘩...係一紮 agnes b 0既花... 好靚呀!!!~ 開心 x 10! (10 分滿分!) 睇0下...幾靚! 全紮都係 cream roses~

仲有張好 grand 0既卡... 哈哈哈... 入面...寫0左...好骨痺0既0野... 估唔到陳生...都會咁肉麻...heeee.... 放工就去0左食飯... 陳生 book 0左食「火間土」... 佢話呢度好喎...有得 book 海景房...(我就...OK 啦...!) 叫完0野食... 陳生就拎0左本... 佢 prepare 0左好耐0既「書」比我... 問我想依家睇定係食完先睇... 好明顯我就梗係即刻睇啦! 哈哈...等0左咁耐呀... 不過...早知食完先睇... 因為...睇到一半已經開始喊... 睇哂仲喊到顛咁... 我好深信0個陣 D 待應一定比我嚇親... well...陳生話本書唔可以 post 出0黎... 因為 only for ME!~ 但係我可以話...我真係好感動好感動... 睇得出陳生真係用0左好多時間同心機去做呢本書出0黎... 而且亦都係好有鋪排的... 我只可以講... 到到書0既尾頁...寫0左一句「will you marry me」... 嘩...0個一刻真係喊到顛Q 0左...(家陣打緊都眼濕濕...唔係講笑!) 其實我之所以咁感動... 係因為陳生係一個好「低調」0既人... 雖然佢間唔中都會做 D "lum" 0野0黎 "lum" 0下我... 但係就係因為佢唔係成日做... 係間唔中做... 所以每次我都會感動到喊!!!~ 呢次求婚睇得出佢係好認真...好有心思... 真係超感動...唔係講笑 !!!

呢隻就係我隻求婚戒指喇... 雖然係自己揀... 亦都知道有「求婚」呢做動作... 但係唔知點解... 都好感動囉!!!~ 不過當然如果有人自己去買 & 唔係「預先張揚的求婚」... 我諗...我應該都感動都 short Q 0左!~ 死啦...求婚都喊成咁... 我真係唔知結婚0個日我會點!!!~

試衫記

星期六去0左尖沙咀試衫，其實都只係洪小姐試為主，我只係陪試，又要搶人0的衫，你身穿0既 4 套衫，其實有一套係我0架你知唔知 ? 呃我一套衫。

4 點半試衫，又遲到 ........ 又要我等 .......

講真，套套都係咁之嘛，咪又係白色，又話人唔俾意見喎，我已經俾0左好多啦，我0既意見同大多數人都好一致，係洪小姐揀埋0的怪野之嘛，個個都係咁話你啦，又唔認 ..... 哼

試0左都成 3 個幾鐘，好在洪小姐都滿意，唔滿意就煩啦。好喇  ....... 又過0左一關喇。
0黎緊就係 2 月 26 日 final fit ..... 希望順利啦。大家都知洪小姐係幾多要求0架啦，呵呵 !~

最意外0既係原來今次試完衫，confirm 0左之後原來要俾埋淨返0既錢 ...... 又要俾錢 ..... omg ~~

算啦不過，係咪都要俾0架啦，早俾定遲俾0者 ....

洪小姐個 post 已經有相喇，想睇自己睇啦 .....

By Roger